ملاحظات هامة قبل البدء فى رسم اللوحة
...................................................
1 – ان شاء الله حضرتك هتاخد معاك
البوردة بتاعتك نظرا لعدم وجود بورد صالحة للاستخدام الادمى فى كليتنا العزيزة او
ممكن تروح الصبح بدرى لو معدنكش بوردة وتنقى بوردة كويسة من اى صالة وترسم عليها
حاول انك
هتحطها تحت اللوحة علشان اللوحة بتكون خفيفة جدا
ومنهاA2 تجيب لوحة
انها تكون دعامة نظرا لسوء البوردة اللى هترسم عليها .
2- معلش حضرتك هتتعب وتغسل الادوات بتاعتك كاملة وخد بالك من المسطرة
حرف تى بلاش تغسلها امسحها بس بفوطة وابعد عن الحواف علشان خاطر التدريج مايتمسحش
منك .
3- الدرجات للعلم 20 درجة على الايزومترى – 45 درجة الاستنتاج +
القطاعات – 25 درجة الاستيل .
4- حضرتك هتقوم بتقسيم اللوحة زى ما الصور هتوضح لحضرتك اسفل ( الوجة
الامامى هترسم فية الايزومترى + الاستنتاج ) الوجة الخلفى هترسم فية الاستيل .
5 – كل خط حضرتك بترسمة فى اللوحة علية درجة علشان كدة انا عايز حضرتك
وانتا بترسم فى البداية هترسم بخطوط خفيفة اولا علشان هتكون سهلة المسح معاك اذا
اخطأت ثانيا : علشان التهشير لما تيجى ترسم القطاعات هتضطر تمسح اللى بعض المناطق
فاذا كنت راسم بخطوط تقيلة بالتاكيد هتسيب اثر فى اللوحة بتاعت حضرتك ثالثا : لما
حضرتك هتخلص الايزومترى والاستنتاج وتيجى تقلب اللوحة لو راسم بخطوط تقيلة هتبوظلك
اللوحة علشان كدة بيفضل انك تتقل على الخطوط فى الاخر .
6 – وضع الابعاد على المساقط الثلاثة والاستيل وليس على
الايزومترى .
7- فى البداية نصيحة منى ابدا برسم الايزومترى هياخد معاك وقت نصف
ساعة بالظبط لو ايدك تقيلة شوية هيتبقة معاك 2.30 الاستنتاج بالقطاعات 1.30
والاستيل هياخد ساعة من حضرتك وبكدة تكون نظمت وقتك كويس
8 – الاهتمام بنظافة اللوحة بتاعتك بتاخد عليها درجات ودة اسلوبى ممكن
تكون غلطان فى النص بس بجمال لوحتك مش هتدى فرصة للدكتور انة يبص على التفاصيل
اللى جوة بس طبعا مش تعمل اللوحة كلها غلط وتقول الاهتمام بجمالها وان الدكتور مش
هياخد بالة .
9 – الوصفية هتيجى فى شيت منفصل لواحدها عبارة عن 5 مسائل متنساش تاخد
طبعا معاك الارسطو بتاعك علشان تقدر ترسم فى الوصفية ومنصحكش انك تستخدمة فى الرسم
استخدمة فى الوصفية فقط .
10- لو عايز تجيب تقدير فعلا فى الرسم متسبش التفاصيل الصغيرة دى مثل
النظافة والابعاد ودقة رسم الدوائر بلاش اسطمبة دوائر ترسم بالبرجل وطبعا تقسيم
اللوحة بتاعتك .
وان شاء الله خير باذن الله وربنا ويوفقك الجميع
ليست هناك تعليقات:
إرسال تعليق